Qalam Ka Rang /قلم کے رنگ

 

  لاہور سمیت پنجاب کے میدانی علاقوں میں دھند کے باعث موٹرویز بند ہیں جبکہ شدید دھند کے باعث فلائٹ آپریشن معطل اور ٹرینوں کا شیڈول متاثر ہیں۔ پنجاب میں دھند نے نظام زندگی مفلوج کر دیا،دھند کے باعث موٹرویز کو مختلف مقامات سے ٹریفک کے لئے بند کر دیا گیا۔ ترجمان موٹروے پولیس کے مطابق موٹروے ایم 2 لاہور سے کوٹ مومن اور لاہور سے ہرن مینار تک دھند کے باعث بند کر دی گئی۔ موٹروے ایم 3 فیض پور سے سمندری، ایم 4 پنڈی بھٹیاں سے فیصل آباد اور موٹروے ایم 11 لاہور سے سیالکوٹ بھی دھند کے باعث بند ہیں۔